Eron islom inqilobi posbonlari kopusi Suriyadagi terrorchilar bazasiga raketa zarbasi berdi. Bu haqda “RIA Novosti” xabar bermoqda.
Tasnim agentligiga ko‘ra, o‘rta masofadagi ballistik raketalar yordamidagi zarba Suriya sharqidagi bazalarga “Tehronga hujumga javoban” amalga oshirildi.
Eslatib o‘tamiz, Eron poytaxtida 7-iyun kuni amalga oshirilgan teraktlar oqibatida 17 kishi halok bo‘ldi, 43 kishi yaralandi. Mazkur hujum uchun javobgarlikni IShID o‘z zimmasiga oldi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)