AQSh prezidenti Donald Tramp Obama ma’muriyatining Vashington va Gavana o‘rtasidagi munosabatlarni yo‘lga qo‘yish bo‘yicha Kuba bilan kelishuvini bekor qilishini bildirdi. Bu haqda “TASS” xabar bermoqda.
“Avvalgi ma’muriyat tomonidan tuzilgan Kuba bilan bir tomonlama kelishuvni butkul bekor qilaman. Bu qaror zudlik bilan kuchga kiradi. Biz Kubani xalqlarimiz manfaatlariga xizmat qiladigan yangi kelishuvni ishlab chiqish uchun muzokaralar stoliga o‘tirishga chaqiramiz”, — dedi AQSh prezidenti.
Eslatib o‘tamiz, 2014-yil oxirida AQSh va Kuba 50 yillik uzilishdan keyin diplomatik munosabatlarni tiklashga kirishgandi.
Tramp Kuba hukumatidan muxolifatchilar huquqlari buzilishini to‘xtatish, siyosiy mahbuslarni ozod qilish, aybsiz insonlarni panjara ortiga jo‘natishni bas qilish, siyosiy va iqtisodiy erkinliklarga yo‘l ochish va AQSh qonunchiligi ta’qibidan yashirinayotgan shaxslarni qaytarishni talab qildi.
Izoh (0)