Britaniya maxsus xizmatlari may oyida 150 mamlakatdagi kompyuterlarni zararlagan WannaCry virusi Shimoliy Koreya rasmiylari buyrug‘i bilan yaratilganligi haqidagi xulosaga keldi. Bu haqda “TASS” xabar bermoqda.
CNN manbalariga ko‘ra, qirollik razvedka xizmatlari virus tarqatilishi ortida KXDRdan boshqariladigan Lazarus Group xakerlar guruhi turganini taxmin qilmoqda.
Oldinroq AQSh milliy xavfsizlik agentligi ham shunday xulosaga kelgandi. Agentlik zararli dastur Shimoliy Koreya razvedkasi tomonidan yaratilgani va Pxenyan “talonchi virus” yordamida o‘z ehtiyojlari uchun mablag‘ jalb etishni rejalashtirganini da’vo qilgandi.
O‘z navbatida, The Financial Times butun dunyo bo‘ylab kiberhujumlar uyushtirgan xakerlar AQSh Milliy xavfsizlik agentligi tomonidan ishlab chiqilgan dasturiy ta’minotni o‘g‘irlaganligini ta’kidladi.
Izoh (0)