Londondagi Grenfell Tower’da yuz bergan yong‘in oqibatida qurbon bo‘lganlar soni 30 kishiga yetdi. Bu haqda Skotlend-yard vakili Styuart Kandiga tayanib, “TASS” xabar berdi.
Skotlend-yard vakilining xabar berishicha, yong‘in oqibatida kamida 30 kishi qurbon bo‘lgan va qurbonlar soni yana ko‘payadi. Yong‘inda jarohatlangan va kasalxonaga yotqizilgan bir kishi ko‘rsatilgan tibbiy yordamga qaramasdan, vafot etgan.
Kandining so‘zlariga ko‘ra, atigi 12 kishining jasadi o‘likxonaga yetkazilgan, biroq ko‘plab tana qoldiqlari hanuzgacha Grenfell Tower’da yotibdi. Poytaxt politsiyasi boshqa tezkor xizmatlar bilan birga jasadlarni voqea joyidan olib chiqish uchun barcha choralarni ko‘rmoqda.
Shahar kasalxonasidan berilgan so‘nggi ma’lumotlarga ko‘ra, u yerda 24 kishi davolanmoqda va ulardan 12 nafari ayni vaqtda reanimatsiyada.
Izoh (0)