15-iyun, payshanba kuni Shanxay Hamkorlik Tashkilotining Pekindagi bosh qarorgohida tashkilotning yangi a’zolari — Hindiston va Pokiston bayroqlarini ko‘tarish marosimi bo‘lib o‘tdi, deb yozadi “TASS”. Marosim “ShHT kuni” tantanalariga to‘g‘rilab belgilandi.
“9-iyun kuni Qozog‘iston poytaxti Ostona shahrida ShHTga asos solgan davlatlar yetakchilari tomonidan Hindiston va Pokistonni tashkilotning to‘la huquqli a’zolari sifatida qabul qilish to‘g‘risida tarixiy qaror qabul qilindi, — dedi ShHT bosh kotibi Rashid Alimov. — Bundan buyon ShHTning och yashil-ko‘kish bayrog‘i atrofida tashkilotning ‘shanxaycha ruh’ bilan birlashgan a’zolarining sakkizta bayrog‘i hilpirab turadi”.
Izoh (0)