Oksford professori va biznesmen Brayan Bellxauz sigirlar podasi hujum qilishi natijasida olgan jarohatlari tufayli vafot etdi, deb yozadi “RIA Novosti”.
Independent yozishicha, hodisa 12-iyun, dushanba kuni yuz bergan. 80 yoshli olim Sharqiy Susseksdagi Gestling qishlog‘ida cherkov yonidan o‘tib ketayotganida unga quturgan jonivorlar tashlangan.
Bellxauzning qichqiriqlarini eshitgan mahalliy aholi tez yordam va politsiyani chaqirgan. Voqea joyiga yetib kelgan shifokorlar pensionerni qayta jonlantirishga uringan, ammo uni qutqarib qolisha olmagan.
Bellxauz uzoq yillar Oksfordda dars bergan va professor unvoniga ega bo‘lgan. U shuningdek, Powderject farmatsevtika kompaniyasi asoschilaridan biri sifatida mashhur. 2003-yilda kompaniya Amerikaning Chiron korporatsiyasi tomonidan 70 million dollarga sotib olingan.
Avvalroq britaniyalik multimillioner Derek Mid iti harakatga keltirgan traktor ostida qolib, yurak xurujidan vafot etgani xabar berilgan edi.
Izoh (0)