AQSh ma’muriyatini Anqaraning Moskva bilan yaqinlashuvi tashvishga solmoqda. Bu haqda Kongress vakillar palatasi xorijiy ishlar qo‘mitasidagi muhokamalar chog‘ida Turkiyaning Rossiya bilan hamkorligiga izoh bergan Davlat kotibi Reks Tillerson ma’lum qildi, deb xabar berdi “TASS”.
“Turkiya bilan munosabatlar AQSh uchun o‘ta muhim. Ular NATO va Yevropa uchun ham muhim. Shu sababli turklarning Rossiya bilan munosabatlaridan xavotirdamiz”, — dedi Tillerson.
Davlat kotibi Vashington Turkiyada, xususan, davlat to‘ntarishiga urinishdan keyingi voqealar rivojidan tashvishda ekanligini yashirmadi.
“Shunday bo‘lsa-da, AQSh va Turkiya o‘rtasida yuqori darajadagi muloqot va muammoli masalalar muhokamasi davom etmoqda. Ularda biz Suriyada harbiy rejalarimizni qanday amalga oshirayotganimiz savollar tug‘dirmoqda”, — ta’kidladi Davlat kotibi Vashingtonning kurd tuzilmalari bilan hamkorligini nazarda tutar ekan.
Izoh (0)