Iroq hukumat kuchlari Mosulning g‘arbiy dahalarida IShID terrorchilik tashkiloti jangarilarining yopirilma hujumini qaytarishga muvaffaq bo‘ldi. Bu haqda “TASS” xabar bermoqda.
Ma’lumotlarga ko‘ra, jangarilar besh soat davomida Iroq hukumat kuchlarining Mosul Eski shaharidagi an-Nabiy Shit tumanida joylashgan mudofaa marralarini yorib o‘tishga uringan.
Hamla qaytarilgan, o‘nlab terrorchilar yo‘q qilingan. Ayni vaqtda, Iroq harbiy-havo kuchlari ash-Shaf’a dahasidagi IShID marralariga zarbalarni kuchaytirgan.
Hozirgi vaqtda Iroq hukumat kuchlari IShIDning Mosuldagi so‘nggi tayanchi — Eski shahar dahalarini ozod qilish yo‘lida qadam bosmoqda.
IShID nazorati ostidagi hududda 180 ming tinch aholi vakillari borligi bor — jangarilar ulardan jonli qalqon sifatida foydalanishga urinmoqda.
Ma’lumotlarga ko‘ra, Mosulda hozirgi vaqtda IShIDning kamida 500 nafar jangarisi bor.
Izoh (0)