Rossiyaning Vologda viloyatidagi qamoqxona kasalxonasida jinoyat olami rahnamolaridan biri Lom-Ali Gaytukayev 59 yoshida o‘ldi. Bu haqda “Kommersant.ru” xabar bermoqda.
Tergov uni qotilliklar uchun buyurtmalar qabul qiladigan dispetcher deb hisoblardi. Gaytukayev “Novaya gazeta” sharhlovchisi Anna Politkovskaya o‘ldirilishini uyushtirgani uchun umrbod qamoq jazosini o‘tayotgandi.
Shuningdek, u Forbes jurnalining Rossiyadagi nashri bosh muharriri Pol Xlebnikov otib tashlanishiga to‘g‘ridan to‘g‘ri aloqadorligi taxmin qilinadi.
Gaytukayevning jasadini olib ketish uchun Vologdaga uning ikki qarindoshi keldi. Ulardan biri — Tamerlan Mahmudovning aytishicha, tobut mashinada Moskvaga va u yerdan samolyotda Chechenistonga yetkaziladi. Lom-Ali Gaytukayev o‘zi tug‘ilib o‘sgan Achxoy-Martan qishlog‘idagi qabristonda ko‘miladi.
Izoh (0)