AQSh ichki xavfsizlik vazirligi va Federal qidiruv byurosi (FQB) Shimoliy Koreyani 2009-yildan beri Qo‘shma Shtatlar hamda butun dunyodagi obyektlarga kiberhujumlarni amalga oshirishda aybladi. Bu haqda “TASS” xabar bermoqda.
Ma’lumotlarga ko‘ra, hujumlar ortida Shimoliy Koreya hukumatining AQSh rasmiylari Hidden Cobra (“Yashirin kobra”) deb atayotgan xakerlar guruhi turibdi.
“Hidden Cobra a’zolari 2009-yildan beri faoliyat ko‘rsatib kelmoqda. AQSh va butun dunyodagi OAVlar, aerokoinot va moliyaviy soha, shuningdek, yetakchi infrastruktura ularning nishoni bo‘ldi”, — deyiladi muassasalar tomonidan tarqatilgan ogohlantirishda.
Hujjatda Hidden Cobra a’zolari o‘z hukumatlari harbiy va strategik maqsadlarini ilgari surish uchun kiberoperatsiyalarga qo‘l urishda davom etishi ta’kidlangan.
Izoh (0)