O‘zbekiston milliy terma jamoasi bosh murabbiyi Samvel Babayan Eronga qarshi o‘yindan keyingi matbuot anjumaniga o‘zi tashrif buyurdi. O‘yinoldi anjumanga u yordamchisi Viktor Jalilovni yuborgandi.
Babayan so‘zni forslarni Jahon chempionati yo‘llanmasi bilan tabriklashdan boshladi.
Birinchi navbatda Eronni Jahon chempionatiga chiqqani bilan tabriklayman. Ular haqli ravishda mundial yo‘llanmasini qo‘lga kiritganini tan olish kerak.Mutaxassisning aytishicha, Stanislav Andreyevning Eronga qarshi uchrashuv boshidayoq jarohat olishi kutilgan o‘yin namoyish qilinmaganiga sabab bo‘lgan.O‘zbekistonda esa mundial uchun hamon imkoniyat saqlanib qoldi. Qolgan ikki o‘yinda sifatli futbol ko‘rsatib, bor kuchimizni ishga solgan holda g‘alaba qozonishimiz va oldinga intilishimiz kerak.
Samvel Babayan, O‘zbekiston MTJ bosh murabbiyi
Mazkur o‘yinga tayyorgarlik ko‘rish jarayonida ko‘plab yo‘qotishlarga duch keldik va bugungi o‘yin boshida yo‘qotishlar yana bittaga ko‘paydi. Bu uchrashuvdagi rejamizga o‘z ta’sirini o‘tkazdi va kutilgan o‘yinni ko‘rsata olmadik. Stanislav Andreyevning jarohat olib, maydonni tark etishi oqibatida majburiy o‘zgarish amalga oshirdik. Natijada Server Jeparov bugun maydonga tusha olmadi.Ma’lumot uchun, O‘zbekiston terma jamoasining saralash siklida 2 ta o‘yini qoldi. 31-avgust kuni Xitoyda mehmon bo‘ladigan Samvel Babayan jamoasi, 5-sentabr kuni Toshkentda Janubiy Koreyani qabul qiladi.Samvel Babayan, O‘zbekiston MTJ bosh murabbiyi
Izoh (0)