WSB guruh bosqichining 6-turidan o‘rin olgan -81 kilogrammgacha bo‘lgan boskchilar o‘rtasidagi jang ham o‘z nihoyasiga yetdi.
Jangda Uzbek Tigers a’zosi Madiyor Saidrahimov Boxing Team jamoasi a’zosi Pavel Silyaginga ochkolar hisobiga mag‘lub bo‘ldi. Uzbek Tigers shu tariqa bugungi boks kechasidagi uchinchi mag‘lubiyatini ham qabul qilib oldi.
Avvalroq yakuniga yetgan -52 kilogrammgacha bo‘lgan bokschilar o‘rtasidagi jangda Uzbek Tigers a’zosi Abrorjon Qodirov raqibini ishonchli tarzda mag‘lub etgandi. Keyin esa Uzbek Tigers’ning -60 kg vaznli bokschisi Ulug‘bek Do‘stmurodov raqibiga mag‘lub bo‘ldi. Shuningdek, biroz avval yakuniga yetgan jangda, -69 kg vaznda ringga ko‘tarilgan Odil Aslanov ham raqibiga imkoniyatni boy berdi.
Ma’lumot uchun, tur doirasidagi so‘nggi jang +91 kg vaznda Uzbek Tigers a’zosi Mirzobek Hasanov Patriot Boxing Team Artyom Suslenkov o‘rtasida bo‘lib o‘tadi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)