Qashqadaryo viloyati Muborak shahridagi Bahrom Vafoyev nomli stadionda yong‘in yuz berdi. Bu haqda “Sports.uz” xabar bermoqda.
Yong‘in oqibatida stadionning bosh binosi 90 kvadrat metr hududi zararlanib, “yaroqsiz ahvolga kelib qolgan”.
Tasdiqlanmagan ma’lumotlarga ko‘ra, yong‘in stadion maydoni maysasiga ham ta’sir ko‘rsatgan va hozircha “o‘yingohda futbol o‘ynash imkoni yo‘q”.
Yong‘in nima sababdan yuz bergani noaniq. Ushbu stadionda futbol bo‘yicha O‘zbekiston Oliy Ligasida ishtirok etuvchi “Mash’al” klubi o‘z uy uchrashuvlarini o‘tkazar edi.
Izoh (0)