Bugun, 23-aprel, yakshanba kuni UzReport telekanali qoshida “Futbol TV” telekanali test rejimida ishlashni boshlaydi. Bu haqda telekanal rasmiy sayti xabar berdi.
Telekanal rasmiy veb-sahifasida quyidagicha xabar qoldirilgan:
Shuni mamnuniyat bilan ma’lum qilamizki, “Futbol TV” telekanali bugun 22:00 dan boshlab test rejimida ish boshlaydi!Bugun tunda, soat 23:00 da boshlanadigan Ispaniya chempionatidan o‘rin olgan “Real” – “Barselona” jamoalari o‘rtasidagi “El-Klasiko” o‘yini UzReport TV telekanali bilan parallel ravishda “Futbol TV” telekanalida ham jonli efirda namoyish qilinadi.
Test rejimi paytida “Futbol TV” telekanali soat kunduzgi 14:00 dan tungi 03:00 gacha, 12 soat davomida efirga uzatib boriladi. Test rejimidan muvaffaqiyatli o‘tgach, “Futbol TV” telekanali 24 soatlik efir dasturlari bilan o‘z faoliyatini davom ettirishi ma’lum qilindi.
Shu bilan birga UzReport TV telekanalida futbol o‘yinlari translyatsiyasi to‘xtab qolmaydi.
Eslatib o‘tamiz, avvalroq UzReport qoshida “Futbol-TV” telekanali ochilishi mart oyida bo‘lib o‘tishi ma’lum qilingan edi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)