Toshkent shahrida 6-may kuni kunning ikkinchi yarmida boshlangan kuchli yog‘ingarchilik UzReport-TV telekanalining futbol translyatsiyalariga ta’sir ko‘rsatdi.
Telekanal sharhlovchisi Davron Fayziyevning to‘g‘ridan-to‘g‘ri efir vaqtida ma’lum qilishicha, kuchli yog‘ingarchilik natijasida 21:30 da boshlangan “Barselona” — “Vilyarreal” uchrashuvi translyatsiyasi uzilib qoldi. Ma’lum bo‘lishicha, tabiat hodisasi “Kamp Nou” stadionidan signallarni qabul qilishga xalal bermoqda.
Translyatsiya to‘liq uzilib qolgan vaqtda “Barselona” 2:1 hisobida g‘alaba qozonayotgan edi. Bungacha translyatsiya qisqa muddatga bir marta uzilib qolgan edi. Telekanal Ispaniya chempionati uchrashuvi o‘rniga Angliya Premyer-ligasi doirasidagi “Suonsi” — “Everton” uchrashuvini jonli efirda uzatmoqda.
Izoh (0)