31-may kuni Moskvaning Lyublinskiy tuman sudi milliarder Alisher Usmonovning Aleksey Navalniy va Korrupsiyaga qarshi kurash fondiga qarshi da’vosi bo‘yicha qaror chiqardi. Usmonov “U sizga Dimon emas” tekshiruvining ayrim parchalari uning ishbilarmon sifatidagi obro‘siga putur yetkazishini aytgandi. O‘z da’vo talabida biznesmen Navalniy va KKFga ushbu parchalarni o‘chirish majburiyatini yuklashni so‘radi, ammo sudya Marina Vasina butun filmni o‘chirishni buyurdi, bu esa unchalik normal holat emas, deb yozadi Meduza.
Fuqarolik-protsessual kodeksiga muvofiq, agar Usmonov filmning ma’lum bir qismlarini o‘chirishni so‘ragan bo‘lsa, sudya butun filmni va butun matnni o‘chirishni talab qilishi mumkin emasdi. Bunga faqat qonun doirasidagi alohida holatlarda yo‘l qo‘yilishi mumkin, xolos.
Sudya rolikni tahrirlash texnik jihatdan mumkin emasligini nazarda tutib qaror matnini o‘zgartirgan bo‘lishi mumkin: bu holda videoni qayta yuklashga to‘g‘ri keladi va uning url-manzili o‘zgaradi. Ammo videoni tahrirlash mumkin, deya ta’kidlanadi xabarda.
Usmonovning yuristlari hamon sud pozitsiyasi milliarderning da’vo talablariga muvofiq emasligini aytmoqda. Ammo ular “sud ularning yonini olganidan xursand”.
Navalniyning advokati Ivan Jdanov esa sud tomonidan da’vo talabining qat’iylashtirilishi “protsessual qonunchilik asoslarining buzilishi” ekanligini qayd etdi. Navalniy Lyublinskiy sudi qaroridan norozi bo‘lib ariza bermoqchi. Na u, na KKF filmni o‘chirish niyatida emas.
Izoh (0)