Shveysariyaning Climeworks kompaniyasi Yer atmosferasidan karbonat angidrid gazini so‘rib oladigan dunyoda birinchi va yirik tijoriy zavodni ishga tushirdi. Bu haqda Science News xabar bermoqda.
Zavod Syurix yaqinida joylashgan. Gazni so‘rib olish uchun DAC (Direct air capture) — havoni to‘g‘ridan-to‘g‘ri tortib olish va tozalash texnologiyasi qo‘llanadi. Texnologiya maxsus kimyoviy moddalar bilan to‘yintirilgan filtrli materialdan foydalanishni nazarda tutadi. Ushbu filtrdan o‘tuvchi havo karbonat angidriddan tozalanadi.
Bunday texnologiyalardan Xalqaro koinot stansiyasi va suvosti kemalarida foydalaniladi.
Zavod shu tariqa yil mobaynida 900 tonna gaz to‘plashi kutilmoqda (atmosferaga esa insoniyat har yili 40 milliard tonna gaz chiqaradi). Birikmani qishloq xo‘jaligi ishlab chiqaruvchilariga, jumladan, sabzavotlar yetishtirish uchun sotish mo‘ljallanmoqda.
Izoh (0)