2020-yilgacha butun Yevropa bo‘ylab bepul Wi-Fi ishga tushadi

Yevrokomissiya, Yevroparlament va Yevroittifoq Kengashi WiFi4EU loyihasini ishga tushirishga qaror qildi, deb yozadi Afisha Daily.

Uning doirasida bepul Wi-Fi’li nuqtalar Yevroittifoqdagi istirohat bog‘lari va boshqa jamoatchilik joylariga o‘rnatiladi. Ikki yil davomida dasturni amalga oshirishga 120 million yevro ajratiladi. Mablag‘ uskunalarni qariyb 8 mingta aholi punktiga o‘rnatish uchun ishlatiladi.

Yevropa komissiyasi vitse-prezidenti Andrus Ansip so‘zlariga ko‘ra, WiFi4EU tashabbusi internet aloqasi cheklangan hududlarda aloqani yaxshilashga qaratilgan bo‘lib, butun Yevroittifoq hududida yuqori tezlikli aloqaga erishish yo‘lidagi birinchi qadamdir.