Kaliforniya shtatidagi Moxave sahrosida 9100 metr balandlikdan tashuvchi raketalarni uchirishga mo‘ljallangan Stratolaunch transport samolyoti ilk bor ombordan chiqarildi. Bu haqda “TASS” xabar bermoqda.
Orbital OTK korporatsiyasi tomonidan yaratilgan mashina 6 ta Pratt&Whitney PW4056 dvigateli bilan jihozlangan va har biri 72 metr keladigan ikki fyuzelajdan iborat. Havo kemasining og‘irligi 250 tonna, to‘liq yuk bilan esa 590 tonnaga teng.
Stratolaunch Systems kompaniyasi bosh boshqaruvchisi Jin Floydga ko‘ra, samolyot Pegasus XL tashuvchi raketalari uchun havo platformasi tariqasida yaratilgan. Birinchi bosqichda bitta, keyinchalik esa 3 ta raketani eltishi mumkin.
Hozirda samolyot yaratishning dastlabki bosqichi yakunlandi, endi quruqlik va havodagi sinovlar boshlanadi. Stratolaunch bortidan raketaning ilk sinov uchirilishi 2019-yilga mo‘ljallangan.
Izoh (0)