Janubiy Sudanda 15 bola qizamiqqa qarshi emlashdan so‘ng vafot etdi

Janubiy Sudanda bolalarni qizamiqqa qarshi emlash chog‘ida yo‘l qo‘yilgan xatolar tufayli 15 nafar bola vafot etdi. Bu haqda, AP’ga asoslanib, “RIA Novosti” xabar bermoqda.

Mamlakat sog‘liqni saqlash vazirligi taqdim etgan ma’lumotlarga qaraganda, dorilar yomon sharoitda saqlangan, tibbiyot xodimlari bir necha bolani emlashda bitta shprisdan foydalangan.

Vafot etgan bolalardan biri hali beshga to‘lmagan edi.

Vaksinatsiyani o‘tkazishga 12 yoshli o‘smirlar jalb qilingani aytilmoqda.

Voqeani taftish qilish uchun komissiya tuzildi.