AQSh maxsus xizmatlarining sobiq xodimi Edvard Snouden mamlakati manfaatlarini sotmagan, shu bilan birga, uning barcha harakatlarini ham ma’qullab bo‘lmaydi. Rossiya prezidenti Vladimir Putin amerikalik rejissor Oliver Stounga bergan intervyusida shunday fikr bildirdi, deya xabar beradi “TASS”.
“Snouden sotqin emas. U mamlakati manfaatlarini sotmadi, boshqa davlatga xalqiga ziyon yetkazishi mumkin bo‘lgan hech qanday ma’lumot yetkazmadi. U nimaiki qilmasin, barchasini oshkora bajarmoqda”, — deya ta’kidladi Rossiya prezidenti.
Putin so‘zlariga ko‘ra, Snouden AQSh maxsus xizmatlaridan bo‘shashishi va shunda to‘xtashi lozim edi.
“Agar kimgadir taklif etilgan ishida nimadir yoqmasa, shartta bo‘shash kerak, vassalom. Ammo u yana harakatlarini davom ettirdi va bu uning huquqi. Mendan Snouden to‘g‘ri qildimi yoki yo‘q, deb so‘rashsa, o‘z fikrimni aytardim: noto‘g‘ri qildi”, — dedi Putin.
Izoh (0)