AQShning iqlim bo‘yicha Parij kelishuvidan chiqishi xalqaro hamjamiyatning parnik gazi tashlanmalari hajmini qisqartirish va global xavfsizlikni ta’minlash bo‘yicha urinishlarini yo‘qqa chiqaradi. Bu haqda BMT bosh kotibi Antoniu Guterrishning bayonotida ma’lum qilindi.
BMT bosh kotibi AQSh shaharlari, shtatlari va xususiy korxonalari, shuningdek, sayyoraning boshqa davlatlari past uglerodli va barqaror iqtisodiyotni rivojlantirish yo‘nalishida ishlashiga ishonch bildirdi.
AQShning iqlim bo‘yicha bitimdan chiqishi haqida Donald Tramp kuni kecha, 1-iyun kuni ma’lum qildi.
AQSh sobiq prezidenti Barak Obama Trampning qaroridan afsusda ekanligini ma’lum qildi. Bitim uning prezidentlik boshqaruvi davrida imzolangan edi. AQSh prezidentligiga sobiq nomzod Hillari Klinton qarorni “tarixiy xato” deb atadi. Oq uy qarorini Yevroittifoq ham qoraladi.
Izoh (0)