IShID Filippin poytaxtidagi Resorts World Manila mehmonxonasida uyushtirilgan otishma uchun javobgarlikni zimmasiga oldi. Bu haqda New York Post manbalariga tayanib, “Korrespondent.net” xabar bermoqda.
Filippin rasmiylari IShID terrorchilarining mehmonxona kompleksiga hujumga aloqadorligini rad etmoqda.
“Hozirda Resorts World Manila otishma haqidagi xabarlardan so‘ng o‘rab olingan. Kompaniya mehmonlar va xodimlar xavfsizligini kafolatlash uchun Filippin milliy politsiyasi bilan yaqin hamkorlik qilmoqda”, — deyiladi mehmonxona egasi bo‘lgan kompaniya xabarida.
Terrorchilar faolligini monitoring qiluvchi SITE Intelligence Group tashkiloti IShIDning mazkur hujumga aloqadorligini tasdiqladi.
Politsiya ma’lum qilishicha, miltiq bilan qurollangan shaxs bir o‘zi Resorts World Manila mehmonxonasidagi kazinoni talashga uringan va o‘yin stollarini yoqib yuborgan, shundan so‘ng muassasada yong‘in yuzaga kelgan. Hodisa oqibatida 36 kishi halok bo‘ldi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)