Texasda mahalliy fuqarolardan biri ilon boshqa bir ilonni yutayotganini ko‘rib qolib videoga oldi, deb xabar berdi National Geographic.
Videodagi ovchi-ilon Texas chipor iloni (Pantherophis obsoletus) bo‘lib, keng tarqalgan ilonlar oilasiga mansub. Qurbon ilon esa qaysi turga mansubligi noma’lum. Serpentologlarning aniqlik kiritishicha, ilonlar o‘z o‘ljasini chaynamasdan butunligicha yutadi va sekin-asta hazm qilib boradi. Bu vaqtda sudralib yuruvchini bezovta qilmaslik lozim.
Olimlarning taxmin qilishicha, ilon o‘z tushligini odamga duch kelganidan hayajonga tushib qayta chiqarib tashlagan. “Tushlik” yaqindagina yutib yuborilgani sabab u hali tirik bo‘lgan. Shunday ekan kun video muallifi va ikkinchi marta yashash imkoniyatini qo‘lga kiritgan ilon uchun omadli kelgan.
Izoh (0)