World Life Experience loyihasi mualliflari oyiga 2,5 ming yevro evaziga dunyo bo‘ylab sayohat qiladigan kishilarni qidirmoqda. Bu haqda loyiha saytida ma’lum qilindi.
Loyiha vakillari 12 kishi — 20 dan 35 yoshgacha bo‘lgan 6 erkak va 6 ayoldan iborat jamoani tuzish niyatida. Yil davomida bu guruh Yevropa, Osiyo, Afrika va dunyoning boshqa mintaqalaridagi 40 davlatni kezib chiqishi lozim.
Ular, jumladan, Portugaliya, Ispaniya, Avstriya, Buyuk Britaniya, Xitoy, Hindiston, Avstraliya va Madagaskarda bo‘ladi.
Sayyohlar o‘z sarguzashtlari haqida maqolalar yozishi, World Life Experience sayti va ijtimoiy tarmoqlarda foto hamda video joylashtirishi lozim.
Shuningdek, mahalliy gumanitar tashkilotlar bilan hamkorlik qilishi va xayriya loyihalarida (masalan, uysizlarga yordam berish) ishtirok etishi talab etiladi.
Talabnomalar 30-iyungacha qabul qilinadi. Sayohatlar sentabr oyi o‘rtalaridan boshlanadi.
Izoh (0)