Oddiy yoki daryo qunduzi Osiyo va Yevropada keng tarqalgan. Ular Fransiyaning Laura vodiysi ham istiqomat qilishadi. Mahalliy suratkash Lui-Mari Pre asosan yovvoyi tabiatni, jumladan, ayiqlarni, bug‘ularni, ukkilarni va boshqa hayvonot olami vakillari suratga oladi. U 15 yildan ortiq vaqt davomida qunduzlarni kuzatib kelmoqda, deb xabar berdi National Geographic.
Kunlarning birida Lui-Mari ushbu hayvonlar ishtirokidagi noodatiy voqeani yodga oladi: qunduz suratkashning ko‘z oldida po‘stlog‘i va barglari oila a’zolarining ochligini qondirishi lozim bo‘lgan novdani topib keladi. Biroq o‘sha vaqtda Lui-Marening yonida fotoapparati bo‘lmagani sabab ko‘rgan voqeasini boshqalarga faqat og‘zaki aytib berishiga to‘g‘ri kelgan.
Suratkash qunduzning suv ostida yemish topishini rasmga olish maqsadida har kuni suv ostida suzishga mo‘ljallagan kiyim yordamida daryo tubiga tushib, 2—3 soat qimirlamay yotgan. Uning sabri to‘rt yildan so‘nggina meva berdi: u suv ostidagi inida o‘zini kutayotgan uch nafar bolasiga terak novdasini olib ketayotgan katta qunduzni suratga olishga muvaffaq bo‘ldi.
Izoh (0)