Virjiniya shtatining 4-okrugi apellyatsiya sudi AQSh prezidenti Donald Trampning qator musulmon davlatlari fuqarolariga Qo‘shma Shtatlarga viza berishni rad etish haqidagi farmoni ijrosiga qo‘yilgan vaqtincha taqiqni o‘z kuchida qoldirdi. Bu haqda “TASS” xabar bermoqda.
Shu tariqa AQSh adliya vazirligi tomonidan 8-mayda berilgan apellyatsiya rad etildi.
Sudyalar kollegiyasiga ko‘ra, Trampning farmoni bajarilgudek bo‘lsa, musulmon mamlakatlari fuqarolariga “o‘nglab bo‘lmas zarar” yetadi. Shuningdek, ular “bunday taqiq AQSh milliy xavfsizligi zarurati bilan izohlanishiga ishonchi komil emas”.
Umumiy xulosa shundan iborat bo‘ldiki, mazkur davlatlar fuqarolarida Qo‘shma Shtatlar sud instansiyalarida Trampning ushbu farmoni aksilkonstitutsiyaviy ekanligini isbotlash imkoniyati yuqori.
Izoh (0)