26-may, juma kuni Tripoli shahrida bo‘lib o‘tgan jangovar harakatlar oqibatida kamida 28 kishi halok bo‘ldi, 130 ga yaqin odam jarohat oldi. Bu haqda Associated Press’ga asoslanib, “RIA Novosti” xabar berdi.
Oldinroq Milliy kelishuv hukumati vakili o‘z tomonida ko‘plab yo‘qotishlar bo‘lganini — 23 kishi halok bo‘lgani, shuningdek 29 nafar odam jarohat olganini ma’lum qilgandi.
Hozirda Liviyada ikkita hokimiyat mavjud: mamlakat sharqida Tobruk shahrida xalq tomonidan saylangan parlament, g‘arbda, poytaxt Tripolida esa BMT va Yevropa ko‘magida mamlakatni boshqarayotgan Fayoz Saraj boshchiligidagi milliy kelishuv hukumati.
Mamlakat sharqidagi hukumat Xalifa Xaftar boshchiligidagi milliy armiya bilan hamkorlikda va Tripolidan alohida harakat qiladi.
Izoh (0)