Виржиния штатининг 4-округи апелляция суди АҚШ президенти Дональд Трампнинг қатор мусулмон давлатлари фуқароларига Қўшма Штатларга виза беришни рад этиш ҳақидаги фармони ижросига қўйилган вақтинча тақиқни ўз кучида қолдирди. Бу ҳақда «ТАСС» хабар бермоқда.
Шу тариқа АҚШ адлия вазирлиги томонидан 8 майда берилган апелляция рад этилди.
Судьялар коллегиясига кўра, Трампнинг фармони бажарилгудек бўлса, мусулмон мамлакатлари фуқароларига «ўнглаб бўлмас зарар» етади. Шунингдек, улар «бундай тақиқ АҚШ миллий хавфсизлиги зарурати билан изоҳланишига ишончи комил эмас».
Умумий хулоса шундан иборат бўлдики, мазкур давлатлар фуқароларида Қўшма Штатлар суд инстанцияларида Трампнинг ушбу фармони аксилконституциявий эканлигини исботлаш имконияти юқори.
Изоҳ (0)