NATO davlatlari yetakchilari alyansning IShID jangarilariga qarshi kurash bo‘yicha koalitsiyaga qo‘shilishi haqida qaror qabul qildi. Bu haqda alyans bosh kotibi Yens Stoltenberg ma’lum qildi, deb yozadi “Gazeta.ru”.
“Biz IShIDni yo‘q qilish bo‘yicha global koalitsiyaga beradigan ko‘magimizni kengaytirishga qaror qildik. Bizning olis radiolokatsion aniqlash tizimimiz koalitsiya uchun havo harakatini boshqarishni yaxshilaydi, bir qator NATO a’zolari esa ushbu tizimlarga havoda yoqilg‘i quyish uchun mablag‘ ajratishini ma’lum qildi”, — dedi u.
Shu bilan birgalikda, u koalitsiyaga a’zo bo‘lish terrorchilarga qarshi jangovar harakatlarda qatnashishni anglatmasligini ta’kidladi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)