Checheniston rahbari Ramzan Qodirov Sobiq ittifoqdagi dinga qarshi kampaniyani terrorizmga qiyosladi, deb yozadi “TASS”. Uning fikricha, kampaniya jamoatchilik orasiga nifoq solgan va “fuqarolarning diniy hayotini barbod qilgan”.
“Dinga qarshi sovet kampaniyasini qandaydir darajada terrorizmga hamda Qur’on va Payg‘ambar (s.a.v.) sunnasini noto‘g‘ri talqin qiluvchilarga qiyoslash mumkin… Bu endi ortda qoldi… Hozir esa biz huquqiy davlatda yashayapmiz, Konstitutsiyamizda esa dinga e’tiqod qilish erkinligi yozib qo‘yilgan”, — deya qayd etdi Qodirov Telegram’dagi kanalida.
U diniy mulohazalar nuqtai nazaridan komsomol bo‘lmaganini qo‘shib qo‘ydi.
“Diniy muassasalar taqiqlangan, dinga e’tiqod qilganlik uchun hibsga olishlar, quvg‘inlar avj olgan edi, fuqarolarning diniy hayoti barbod qilinayotgan edi… Bu mening Sobiq ittifoq aksildiniy kampaniyasiga qarshi bolalarcha noroziligim bo‘lgan”, — dedi u.
Izoh (0)