Ekvador sobiq prezidenti Rafael Korrea yangi davlat rahbari Lenin Morenoning lavozimga kirishish marosimini o‘zini yomon his etgani uchun muddatidan avval tark etishga majbur bo‘ldi. Bu haqda “TASS” xabar berdi.
Hukmron “Alyans PAIS” ijrochi kotibi Gabriela Rivadeneyraga ko‘ra, shifokorlar siyosatchini kasalxonaga yotqizishga qaror qildi.
“Tibbiy ko‘rik natijasida unda zotiljam aniqlandi. U holati yaxshilanmaguncha kasalxonada qoladi”, — deya ma’lum qildi Gabriela Rivadeneyra.
Tibbiy yordam uchun murojaat etishdan avval Korrea o‘zining vorisiga Ekvador milliy bayrog‘i ranglarida tayyorlangan prezidentlik tasmasini topshirishga ulgurdi.
Eslatib o‘tamiz, oldinroq mazkur marosimda Argentina prezidenti Maurisio Makrining mazasi qochganligi haqida xabar berilgandi.
Izoh (0)