Share America nashrida Vashingtonda ilmiy tadqiqotlar bilan shug‘ullanadigan, o‘z vaqtida Bostondagi Islom jamiyati madaniyat markazida ishlagan Imom Suhab Vebbning maqolasi chop etildi. U Ramazon Amerikada qanday nishonlanishi haqida gapirib berdi.
“Ramazon amerikalik musulmonlar uchun, butun dunyodagi musulmonlarda bo‘lgani kabi, ro‘za tutiladigan, mulohaza qilinadigan, ibodat qilinadigan, xayriya bilan shug‘ullaniladigan vaqtdir”, — deyiladi maqolada.
Ta’kidlanishicha, muqaddas oyda ko‘pchilik islom markazlari ochiq qoladi, shu tufayli, namoz o‘qish uchun u yerga borish qulay bo‘ladi. Masjidlarda tez-tez ma’ruzalar o‘qiladi, bu e’tiqodga nisbatan intellektual qiziqish uyg‘otishda qo‘shimcha imkoniyatlarni yaratadi.
Islom markazlariga mehmonlar ko‘pincha guruh-guruh bo‘lib keladi: oilaning musulmon bo‘lmagan a’zolari yaqinda islomni qabul qilgan qarindoshiga hamrohlik qiladi, hamkasblar o‘z do‘sti bilan bir dasturxondan ovqatlanadi, universitet, maktab va diniy muassasalar dasturxon yozadi va muqaddas oy ne’matlaridan tatib ko‘rishga taklif qiladi. U yerga oddiy va siyosiy yetakchilar tez-tez tashrif buyurib, shu tariqa amerikalik musulmonlarning mamlakat hayotidagi muhim rolini e’tirof etadi.
Ko‘pchilik masjidlar har kun iftor tashkil qiladi. Taomnomadan har qanday didga mos tushuvchi ovqatlarni topish mumkin. Ular orasida Janubi-Sharqiy Osiyo, arab mamlakatlari, Afrika va Yevropa davlatlari oshxonalariga mansub taomlar bor.
Izoh (0)