“Rossiya vertolyotlari” xoldingi bosh direktori Andrey Boginskiy Rossiyaning eng yangi zarbdor vertolyoti Mi-28NM — Amerikaning “Apach” vertolyoti muqobilini davlat miqyosida sinash ishlari boshlanganini ma’lum qildi, deb yozadi “Hi-tech.mail.ru”.
Davlat sinovlarining boshlanishi odatda mashina seriyali ishlab chiqarishga tayyorligini anglatadi, u tekshiruvlar yakunlanganidan so‘ng boshlanadi.
Mi-28NM — Mi-28N “Tungi ovchi” vertolyotining modernizatsiyalangan versiyasi bo‘lib, u doiraviy ko‘rinishni ta’minlovchi butunlay yangi lokator, shuningdek, boshqaruvning yangi tizimi va boshqa eng yangi uskunalarga ega bo‘ldi.
Ammo “Apach”dan farqli ravishda, Mi-28NM arsenalida yerdagi nishonlarni urish uchun mo‘ljallangan, “otdingmi, unut” prinsipi bo‘yicha harakatlanadigan boshqariluvchi raketalar yo‘q. Ammo qurol-yarog‘ tendensiyalariga qaraganda, bunday texnologiya Rossiya vertolyotlarida ham tezda paydo bo‘ladi.
Izoh (0)