AQShning Prinston universiteti olimlari yadroni tartibga solish bo‘yicha komissiya (mamlakat hukumatining mustaqil agentligi)ni milliy atom elektr stansiyalarida yirik avariyalar yuzaga kelishi ehtimolini baholashda noto‘g‘ri tahlilga yo‘l qo‘yganlikda aybladi, deb yozadi Science News.
Ekspertlar fikricha, komissiya mamlakatning ko‘pchilik AESlarida yadro yoqilg‘isi yadro chiqindilarining bevosita yaqinida joylashishini e’tiborsiz qoldirgan. Ishlatilib bo‘lgan materialning yonishi, olimlar hisob-kitoblariga ko‘ra, atrofdagi hududga radioaktiv moddalar tarqalishiga, binobarin, halokatli oqibatlarga olib kelishi mumkin.
Bitta AESda kelib chiqqan yong‘in Nyu-Jersi shtati maydonidan ikki marta kattaroq hududga ziyon yetkazadi va bu holatda 8 milliondan ortiq kishi evakuatsiya qilinishi kerak bo‘ladi, yong‘in yetkazgan iqtisodiy zarar 2 trillion dollarga teng bo‘ladi.
Agar komissiya AESlarga nisbatan zarur nazorat choralarini ko‘rsa, halokatdan qochish mumkin. Mustaqil agentlikka buni amalga oshirishda yadro sanoati vakillari tomonidan bosim xalal bermoqda, deb taxmin qiladi mualliflar.
Izoh (0)