АҚШнинг Принстон университети олимлари ядрони тартибга солиш бўйича комиссия (мамлакат ҳукуматининг мустақил агентлиги)ни миллий атом электр станцияларида йирик авариялар юзага келиши эҳтимолини баҳолашда нотўғри таҳлилга йўл қўйганликда айблади, деб ёзади Science News.
Экспертлар фикрича, комиссия мамлакатнинг кўпчилик АЭСларида ядро ёқилғиси ядро чиқиндиларининг бевосита яқинида жойлашишини эътиборсиз қолдирган. Ишлатилиб бўлган материалнинг ёниши, олимлар ҳисоб-китобларига кўра, атрофдаги ҳудудга радиоактив моддалар тарқалишига, бинобарин, ҳалокатли оқибатларга олиб келиши мумкин.
Битта АЭСда келиб чиққан ёнғин Нью-Жерси штати майдонидан икки марта каттароқ ҳудудга зиён етказади ва бу ҳолатда 8 миллиондан ортиқ киши эвакуация қилиниши керак бўлади, ёнғин етказган иқтисодий зарар 2 триллион долларга тенг бўлади.
Агар комиссия АЭСларга нисбатан зарур назорат чораларини кўрса, ҳалокатдан қочиш мумкин. Мустақил агентликка буни амалга оширишда ядро саноати вакиллари томонидан босим халал бермоқда, деб тахмин қилади муаллифлар.
Изоҳ (0)