Forbes’нинг «Энг тез ўсаётган технологик компаниялар — 2017» рўйхатида биринчиликни Grubhub — 500 дан ортиқ шаҳарда 50 000 минг ресторанга элтиб бериш хизматини бажарувчи платформанинг яратувчиси эгаллади. Унинг ўртача савдо ўсиши 52 фоизга тенг, деб хабар берди Forbes.
Шунингдек, рейтингнинг юқори қисмидан Arista Networks (3-ўрин +46 фоиз) ва Ellie Mae (5-ўрин) компаниялари жой олди. Arista’нинг тармоқ қурилмаларидан Cisco компанияси 100 гигабайтли комутаторлар тармоқ бозоридаги курашида фойдаланади. Ellie Mae акциялари эса 2011 йилда IPO чиққанидан бери 1400 фоизга кўтарилган.
Йирик фармацевтик компаниялар учун дастурий таъминот ишлаб чиқиш билан шуғулланадиган Veeva Systems компанияси рейтингда саккизинчи поғонани эгаллаб, 500 миллион доллар даромад кўрган энг тез ўсувчи корпоратив технологик компаниялардан бирига айланди. Ўртача савдо ҳажми 37 фоизга тенг.
Рўйхатдан Марк Цукерберг асос солган ижтимоий тармоқ — Facebook (2-ўрин) ҳам доимгидек юқори поғоналардан бирида. Сўнгги уч йил ичида унинг ўртача савдо ҳажми 51 фоизга ортган. Жефф Безоснинг Amazon’и уч йил ичида 22 фоизли кўрцатгичга эришиб, 22-ўринни эгаллади.
Рейтингнинг охиридан Google қидирув тизимига эгалик қилувчи Alphabet компанияси жой олди. Унинг савдо ҳажми уч йил ичида ўртача 14 фоизга ошган.
Изоҳ (0)