Venesueladagi norozilik aksiyalari davomida zo‘ravonlik va tartibsizliklar oqibatida aprel oyi boshidan beri 55 kishi halok bo‘ldi. Bu haqda mamlakat bosh prokurori Luiza Ortega Dias ma’lum qildi, deya xabar beradi “TASS”.
Oldinroq qurbonlar soni 44 kishini tashkil etgani bildirilgandi.
Prokurorga ko‘ra, halok bo‘lganlar 52 nafar fuqaro va 3 nafar huquq-tartibot idoralari xodimidan iborat. Shuningdek, 1000 ga yaqin kishi, jumladan, 229 nafar kuch tizimi xodim jabrlandi.
“500 kishi xavfsizlik kuchlari harakatlari tufayli jarohatlandi. Huquq-tartibot idoralari 1,4 mingdan ortiq jinoiy ish qo‘zg‘adi, ulardan 1,3 mingi shaxsga qarshi jinoyatlar uchun. 19 nafar politsiyachi va harbiy xizmatchi javobgarlikka tortildi”, — deydi Luiza Ortega Dias.
Izoh (0)