Manchesterda stadiondagi terakt surishtiruvi doirasida uch kishi hibsga olindi

Manchester politsiyasi Manchester Arena stadionidagi teraktga aloqadorlikda gumonlanayotgan uch kishini hibsga oldi. Bu haqda “Interfaks” xabar bermoqda.

Ilgariroq bir kishi hibsga olingani ma’lum qilingan edi.

Katta Manchester politsiyasining Twitter’dagi rasmiy sahifasida bildirilishicha, surishtiruvlar davom etmoqda, hibsga olingan soni oshishi mumkin.

Ilgariroq teraktni uyushtirishda asosiy gumondor sifatida 22 yoshli liviyalik Salmon Obidiy ko‘rsatilgan edi. Bundan tashqari, Buyuk Britaniya bosh vaziri Tereza Mey qo‘poruvchilik harakati ostida kattaroq guruh turganini taxmin qilgan edi.

NBC telekanali Salmon Obidiy “al-Qoida” guruhi bilan aloqadorligi haqida axborot bergan edi.

Oxirgi ma’lumotlarga qaraganda, Manchesterdagi terakt oqibatida 120 kishi jarohatlangan, 22 kishi halok bo‘lgan edi.