Манчестер полицияси Manchester Arena стадионидаги терактга алоқадорликда гумонланаётган уч кишини ҳибсга олди. Бу ҳақда «Интерфакс» хабар бермоқда.
Илгарироқ бир киши ҳибсга олингани маълум қилинган эди.
Катта Манчестер полициясининг Twitter’даги расмий саҳифасида билдирилишича, суриштирувлар давом этмоқда, ҳибсга олинган сони ошиши мумкин.
Илгарироқ терактни уюштиришда асосий гумондор сифатида 22 ёшли ливиялик Салмон Обидий кўрсатилган эди. Бундан ташқари, Буюк Британия бош вазири Тереза Мэй қўпорувчилик ҳаракати остида каттароқ гуруҳ турганини тахмин қилган эди.
NBC телеканали Салмон Обидий «ал-Қоида» гуруҳи билан алоқадорлиги ҳақида ахборот берган эди.
Охирги маълумотларга қараганда, Манчестердаги теракт оқибатида 120 киши жароҳатланган, 22 киши ҳалок бўлган эди.
Изоҳ (0)