Tailanddagi 2018-yilning ikkinchi yarmiga mo‘ljallangan parlament saylovlari, mamlakatda siyosiy tusdagi zo‘ravonlik holatlari davom etgan taqdirda, qoldirilishi mumkin. Bu haqda The Bangkok Post gazetasi ma’lum qildi, deya xabar beradi “TASS”.
“Portlashlar davom etayotgan, qurol qo‘llanayotgan, kishilar bir-biri bilan mojarolashayotgan vaziyatda saylovlar o‘tkazishimiz mumkinmi? Bu barcha siyosiy guruhlarning o‘zaro hamkorligiga bog‘liq”, — deydi mamlakat bosh vaziri Prayut Chan-Ocha.
22-may kuni harbiy pensionerlar kasalxonasida yuz bergan portlash oqibatida 25 kishi jarohatlandi. 15-may kuni portlovchi qurilma Bangkokdagi Milliy teatr binosi yaqinida ishlab ketdi va ikki kishini yaraladi. Undan 10 kun avval poytaxtdagi sobiq davlat lotereyalari ishlab chiqarish boshqarmasi binosidagi portlashda ham ikki kishi jarohat olgandi.
Tailand milliy politsiyasi rahbari Chaktip Chaichinda mazkur uchta hodisa ham bitta ssenariy asosida tashkillashtirilganini ma’lum qildi.
Izoh (0)