BAAning Sharja shahrida 15 kun davomida 80 foizgacha bo‘lgan chegirmalar festivali o‘tkaziladi

Birlashgan Arab Amirligining Sharja shahrida muqaddas Ramazon oyi munosabati bilan chegirmalar festivali bo‘lib o‘tadi, deb xabar berdi UAE Inside.

Festival 15-iyundan 30-iyunga qadar Sharja shahridagi Ekspo-markazda bo‘lib o‘tadi. Ushbu festival Dubay shaharida uch kun davom etgan va katta shov-shuvga sabab bo‘lgan chegirmalar festivalini o‘tkazib yuborganlar uchun ajoyib imkoniyat.

Ramadan Nights nomi bilan bo‘lib o‘tadigan festival faqatgina “chegirmalar”dan iborat bo‘lib qolmay, balki unda oilaviy ishtirok etish mumkin bo‘lgan turli madaniy tadbirlar ham o‘tkaziladi.

Ushbu festival har yili bo‘lib o‘tadi va amirlikdagi eng mashhur va ko‘p odam tashrif buyuradigan tadbirga aylanib ulgurgan.