Tramp: Eron yadro dasturi bo‘yicha “fantastik kelishuv” uchun Obama ma’muriyatidan minnatdor bo‘lishi lozim

Eron yadro dasturi bo‘yicha “fantastik kelishuv shartlari” uchun Barak Obama boshchiligidagi avvalgi AQSh ma’muriyatidan minnatdor bo‘lishi lozim. Bu haqda AQSh prezidenti Donald Tramp Quddusda Isroil bosh vaziri Binyamin Netanyaxu bilan uchrashuvida ma’lum qildi, deya xabar beradi “TASS”.

“Eron AQShning avvalgi ma’muriyatidan juda minnatdor bo‘lishi lozim, chunki kelishuvning aql bovar qilmas shartlariga ko‘ndirishga muvaffaq bo‘lgan. Biroq ‘rahmat’ deyish o‘rniga bizga tashlanishda davom etmoqda. Ularga iqtisodiy gullab-yashnash imkoniyatini yaratib berdik, biroq evaziga nima oldik? Yaqin Sharqda keskinlik pasaygani yo‘q. Suriya, Yaman, barcha joylarda zo‘ravonlik ko‘rinishlariga guvoh bo‘lyapmiz va ko‘pincha bunga Eron turtki beryapti”, — deya ta’kidladi AQSh prezidenti.

Tramga ko‘ra, AQSh Eron bilan kelishuvga rozilik bergani “ayanchli adashuv” bo‘lgan.