Mamlakatlar bir-birining tub manfaatlarini hurmat qilishi lozim. Bu haqda “Bir kamar, bir yo‘l” xalqaro forumidagi chiqishi chog‘ida Xitoy rahbari Si Szinpin ma’lum qildi, deb xabar beradi “RIA Novosti”.
“Davlatlar bir-birining suvereniteti, hududiy yaxlitligi, ijtimoiy taraqqiyot yo‘li, tub manfaatlari va tashvishlarini hurmat qilishi zarur”, — ta’kidladi Si Szinpin.
Xitoy poytaxti Pekinda 13-may, shanba kuni “Bir kamar, bir yo‘l” xalqaro hamkorlik forumi o‘z ishini boshladi.
Forumda 29 davlat va hukumat rahbari ishtirok etmoqda.
Ular qatorida O‘zbekiston, Argentina, Belarus, Chili, Chexiya, Indoneziya, Qozog‘iston, Keniya, Laos, Filippin, Rossiya, Shveysariya, Turkiya, Vyetnam, Qirg‘iziston prezidentlari, Kamboja, Efiopiya, Fiji, Gretsiya, Vengriya, Italiya, Malayziya, Mo‘g‘uliston, Pokiston, Polsha, Serbiya, Ispaniya, Shri-Lanka bosh vazirlari, shuningdek, Myanma davlat kotibi bor.
Izoh (0)