Мамлакатлар бир-бирининг туб манфаатларини ҳурмат қилиши лозим. Бу ҳақда «Бир камар, бир йўл» халқаро форумидаги чиқиши чоғида Хитой раҳбари Си Цзиньпин маълум қилди, деб хабар беради «РИА Новости».
«Давлатлар бир-бирининг суверенитети, ҳудудий яхлитлиги, ижтимоий тараққиёт йўли, туб манфаатлари ва ташвишларини ҳурмат қилиши зарур», — таъкидлади Си Цзиньпин.
Хитой пойтахти Пекинда 13 май, шанба куни «Бир камар, бир йўл» халқаро ҳамкорлик форуми ўз ишини бошлади.
Форумда 29 давлат ва ҳукумат раҳбари иштирок этмоқда.
Улар қаторида Ўзбекистон, Аргентина, Беларусь, Чили, Чехия, Индонезия, Қозоғистон, Кения, Лаос, Филиппин, Россия, Швейцария, Туркия, Вьетнам, Қирғизистон президентлари, Камбожа, Эфиопия, Фижи, Греция, Венгрия, Италия, Малайзия, Мўғулистон, Покистон, Польша, Сербия, Испания, Шри-Ланка бош вазирлари, шунингдек, Мьянма давлат котиби бор.
Изоҳ (0)