Harbiylarning ish haqini oshirish yuzasidan o‘tkazayotgan norozilik namoyishlari sababli Kot-d’Ivuarning eng yirik ikkinchi shahri — Buake isyon ko‘targan harbiylar tomonidan egallab olindi. Bu haqda “Kommersant” xabar bermoqda.
“Biz hech kim bilan muzokaralar olib borishni istamaymiz. Agar bizga hujum qilishsa, jang qilishga ham tayyormiz. Yo‘qotadigan hech narsamiz yo‘q”, — dedi isyon yetakchilaridan biri, serjant Seydu Kouna.
Kot-d’Ivuarda harbiylar ishtirokidagi tartibsizliklar yanvar boshidan beri davom etmoqda. Isyonchilar maoshning oshirilishi va mehnat sharoitlari yaxshilanishini talab qilmoqda.
Buake, Abidjan, Korxogo, Daloa, Man va Bonduku shaharlaridagi noroziliklar juma kuni boshlangan.
Izoh (0)