Salvador o‘z hududida metall qazib olishni taqiqlagan jahondagi ilk mamlakat bo‘ldi. “Phys.org”ning yozishicha, “Salvadorda metall minerallarini izlash, qazib olish yoki qayta ishlash qonun bilan taqiqlanadi”.
Salvador Ekologik bloki yetakchisini Maurisio Sermenoning so‘zlariga ko‘ra, “jamiyatga foyda keltirmaydigan, biroq atrof-muhit va suv resurslarini jiddiy ifloslanishiga sababchi sanoatning rivojlanib borayotgan vaqtda bu qonunning qabul qilinishi zarurat edi”.
Lotin Amerikasining ko‘plab mamlakatlari minerallar eksportidan daromad oladi, biroq mahalliy hamjamiyatlar metallarni qazib olish jarayonida foydalaniladigan zaharli moddalarning atrof-muhitga ta’siridan shikoyat qilib kelar edi.
Salvadorda qabul qilingan yangi qonun qishloq aholisini ularning yerlariga tahdid solayotgan metall qazib olish bo‘yicha loyihalardan ham himoya qiladi.
Tog‘-kon sanoatini kuzatib boruvchi Kanadaning MiningWatch tashkiloti Salvador rahbariyati tomonidan qabul qilingan qaror boshqa mamlakatlar uchun ham namuna bo‘lib xizmat qilishiga umid bildirdi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)