Сальвадор ўз ҳудудида металл қазиб олишни тақиқлаган жаҳондаги илк мамлакат бўлди. «Phys.org»нинг ёзишича, «Сальвадорда металл минералларини излаш, қазиб олиш ёки қайта ишлаш қонун билан тақиқланади».
Сальвадор Экологик блоки етакчисини Маурисио Серменонинг сўзларига кўра, «жамиятга фойда келтирмайдиган, бироқ атроф-муҳит ва сув ресурсларини жиддий ифлосланишига сабабчи саноатнинг ривожланиб бораётган вақтда бу қонуннинг қабул қилиниши зарурат эди».
Лотин Америкасининг кўплаб мамлакатлари минераллар экспортидан даромад олади, бироқ маҳаллий ҳамжамиятлар металларни қазиб олиш жараёнида фойдаланиладиган заҳарли моддаларнинг атроф-муҳитга таъсиридан шикоят қилиб келар эди.
Сальвадорда қабул қилинган янги қонун қишлоқ аҳолисини уларнинг ерларига таҳдид солаётган металл қазиб олиш бўйича лойиҳалардан ҳам ҳимоя қилади.
Тоғ-кон саноатини кузатиб борувчи Канаданинг MiningWatch ташкилоти Сальвадор раҳбарияти томонидан қабул қилинган қарор бошқа мамлакатлар учун ҳам намуна бўлиб хизмат қилишига умид билдирди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)