Janubiy Koreya prezidentligiga nomzod KXDRni yadroviy qurol sinovini bekor qilishga chaqirdi. Mazkur bayonot bilan mamlakatning yuqori lavozimiga nomzodlardan nisbatan taniqlisi — Mun Chje In saylovoldi muhokamalaridan oldingi chiqishida so‘zladi, deb xabar berdi “TASS”.
“Agar Shimoliy Koreya oltinchi marotaba atom sinovini o‘tkazadigan bo‘lsa, qanchadir vaqtga qadar ikki davlat o‘rtasida muzokara o‘tkazishning imkoni bo‘lmay qoladi. Janubiy Koreyada prezidentlik muddati besh yilni tashkil etgani sabab, ushbu vaziyatda keyingi keladigan ma’muriyatga ikki tomonlama munosabatni yaxshilashi qiyin kechadi”, — deya ta’kidladi Mun Chje In.
“Toburo” demokratik partiyasi sobiq yetakchisi KXDR bilan yadroviy raketa muammosi hal etishda “keng qamrovli va bosqichma-bosqich” yechimini taklif qildi.
“Birinchi bosqichda Shimoldan yangi yadroviy sinovni o‘tkazmaslik, dasturni muzlatib qo‘yish talab qilinadi. Ikkinchi qadam bu dasturdan butunlay voz kechishni o‘z ichiga oladi”, — dedi Mun Chje In.
Shuningdek, agar nomzod hukumat tepasiga o‘tirgudek bo‘lsa, Rossiya, Xitoy hamda aholining bir qismida norozilik tug‘dirgan Janubiy Koreyaga Amerikaning THAAD tizimini joylashtirish borasidagi muammoga “oqilona” yechim topishini ma’lum qildi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)