Suriya armiyasi jangchilari ko‘ngilli xalq askarlari ko‘magida 27-aprel, payshanba kuni Palmira shimoli-g‘arbidagi Shayer gaz maydonini hukumat nazorati ostiga qaytardi, deya xabar bermoqda “TASS”.
Al-Watan gazetasi ma’lumotlariga ko‘ra, hukumat kuchlari mamlakatdagi eng yirigi bo‘lgan ushbu tabiiy gaz konini uning atrofidagi balandliklardan IShID guruhi terrorchilarini siqib chiqargach, ozod etishga muvaffaq bo‘lgan.
Suriya qurolli kuchlari qo‘mondonligi qo‘shinlar oldiga eng qisqa muddatlarda Xoms viloyatining sharqiy qismidagi IShID qo‘li ostiga o‘tgan neft va gaz obyektlari ustidan nazoratni qayta tiklash vazifasini qo‘ygan edi. Fevralda armiya qismlari Xayyan konini va Johardagi gaz bilan to‘ldirish stansiyasini egalladi. Martda esa Palmira bilan birgalikda, Jezal va Al-Mahr konlaridagi neft quduqlari ham ozod etildi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)